ရခိုင့်အလှဓာတ်ပုံမြေ: ဗုဒ္ဓသရီရမြတ်အံတော်

ဗုဒ္ဓသရီရမြတ်အံတော်သည် သိရိလင်္ကလာနိုင်ငံတွင် မူလကိန်းဝပ်စံပါယ်တော်မူခဲ့ပါသည်။ ၁၅၂၅ ခုနှစ်တွင် သံတွဲမြို့မှ သာသနာပိုင် ဆရာတော်ကြီး ဦးတေဇောသာရနှင့် မြောက်ဦးမြို့မှ မြတန်ဆောင်း ဆရာတော်ကြီးဓမ္မ၀ိသာလတို့အမှူးပြုသည့် သံဃာတော် အပါး(၄၀)တို့သည် သိရိလင်္ကာနိုင်ငံမှ သာသနာပြုပြီးအပြန် ဓမ္မိကသျှင်ရသေ့တစ်ဦးတည်ထားခဲ့သည့် ၀နဘယ တောင်ပေါ်ရှိ ပြိုပျက်နေသည့်စေတီဟောင်းမှ ရောင်ခြည်တော်ကွန်မြူးနေသည့် အံတော်ဓာတ်ကို ဖူးတွေ့ရသဖြင့် ပင့်ဆောင်ယူလာခဲ့ပြီး သံတွဲမြို့စား ဘာစောသိရီ(မင်းဗာကြီး)အားအပ်နှင်းခဲ့ပါသည်။

သံတွဲမြို့ရှိ ရွှေအံတော်စေတီ

ဘုရင်ကြီးသည် သံတွဲမြို့ပေါ်ရှိ ၀ါသုရတောင်ပေါ်၌ အံတော်မြတ်ကို ဌာပနာတည်၌ စေတီတစ်ဆူကိုးကွယ် ခဲ့သည်။ သံတွဲမြို့တွင် ယခုတိုင် အံတော်မြတ်စေတီ ဟုထင်ရှားနေပါသည်။ ဘစောသိရိသည် မြောက်ဦးရွှေမြို့တော်၌ ဘုရင်ဖြစ်လာသည့်အခါ ၀ါသုရတောင်ပေါ်တွင် တည်ထားခဲ့သည့် ဗုဒ္ဓအံတော်မြတ်ကိုပင့်ဆောင်တော်မူပြီး ထိုနေရာဟောင်းတွင် အံတော်ပွားတစ်ဆူဌာပနာထည်၍ ပြန်လည် တည်ထားတော်မူလေသည်။ မင်းရာဇာဘုရင်ကြီးလက်ထက် (၁၅၉၃-၁၆၁၂)ခုနှစ်တွင် အံတော်သိမ်မှ ပုထိုးတော်ကြီးကို တည်ဆောက်ခဲ့ရာတွင် ဤအံတော်ဓာတ်ကို ဌာနပပြု၍ တည်ထားခဲ့လေသည်။ မသမာသူတို့ ခိုးယူမှုကြောင့် အံတော်ပါသွားသည့်အဖြစ်နှင့် ကြုံတွေ့ရသဖြင့် မူလပုထိုးတော်၌ မထားတော့ပဲ ဘုရားပေါ်ကျော်းဟောင်း(စိုင်ပြင်ကျောင်း) ဆရာကြီးထံ အပ်နှံပြီး ပူဇော်ခဲ့ကြပေသည်။

ထိုမှတဆင့်ဘုံကျောင်း (လောကမာရ်အောင်)သို့ ဒေသစာရီကြွရောက်ပြိး ညောင်ပင်ဈေးကျောင်းတိုက် ဟောင်းရှိ ဂန္ဓကုဋီတိုက်တွင် (၄၂)နှစ်တိုင်တိုင် ကိန်းဝပ်စံပ္ပါယ်တော်မူခဲ့လေသည်။
(၂) နှစ်တစ်ကြိမ် အံတော်ဓာတ်ကို ပင့်ဆောင်ပူဇော်ပွဲများပြုလုပ်စဉ် ၁၂၆၃ ခုနှစ်တွင် ပင့်ဆောင်ပူဇော်လာဉ် ညောင်ပင်ဈေးတံတားအရောက်တွင် တံတားကျိုးကျသွားသဖြင့် ပင့်ဆောင်လာသည့် ဝေါယဉ်နှင့်အတူ အံတော်ဓာတ်မှာ ရေထဲသို့ ကျဆင်းသွားခဲ့ပေသည်။ နည်းမျိုးစုံဖြင့် ရှာဖွေသော်လည်း မတွေ့ရှိကြပေ။ တောင်ရပ်အုပ်စု ငခြောက်ဈေးရပ်ကွက်မှ ဆေးဆရာကြီးဦးတက်ခါးဖြူသည် အနီးတွင်ရှိသည့် ရက္ခတောင်ပေါ်တွင် ရောင်ခြည်တော်ကွန့်မြူးနေသည့် အံတော်ဓာတ်ကို ထူးဆန်းစွာတွေ့မြင်ရလေသည်။ အံတော်ဓာတ်ကို ၁၂၆၃ ခုနှစ်၊ ကဆုန်လဆန်း ၅ ရက်နေ့ မွန်းလွဲ (၁)နာရီခန့်တွင် ဗန္ဓုလကျောင်းတိုက် (ယခု စန္ဒမုနိဘုရားကြီးကျောင်း)ဆရာတော်ကြီး ဦးပုညလက်သို့ ပေးအပ်လှူဒါန်းခဲ့ပါသည်။

စွယ်တော်မြတ်သည် လုံးဝန်းခြင်း၊ စင်ကြယ်ခြင်း၊ သန့်ပြန့်ခြင်း၊ ထက်မြက်ခြင်းနှင့်အတူ ဖြူဖွေးခြင်းအင်္ဂါ ၄ ရပ်နှင့်အညီ ဘုရားရှင်၏ သရီရဓာတ်မွေတော်ဖြစ်သည့် အံတော်မြတ်မှာ ယခုအခါ စန္ဒာမုနိကျောင်းတိုက်တွင် ကိန်းဝပ်စံပါယ်လျက်ရှိပါသည်။

စန္ဒမုနိ ဘုရားကြီးကျောင်းသည် မြောက်ဦးမြို့တွင် ဘုရားဖူးလေ့လာသူများလာရောက်ကြည်ရှုမှုတွင် အဓိကကျသည့်နေရာတစ်ခုဖြစ်ပါသည်။ သမိုင်းဝင်ရှေ့ဟောင်းဆင်းတုတော်များ၊ ရခိုင်ဒင်္ဂါးများနှင့် ရှေ့ဟောင်းပစ္စည်းအမျိုးမျိုးတို့ကို စုဆောင်းပြသထားပါသည်။

များအောင်၊ မြောက်ဦးဘုရားစေတီပုထိုးများ၊နှင့် ဧည့်လမ်းညွှန်စာအုပ်မှ ကူးယူကိုးကားဖော်ပြထားပါသည်